كيفيه منع اختراق الواي فاي عن طريق الماك ادريس
هذه طريقة ذكية جداً لتأمين الواى فاى أيضاً ولكنها تحتاج لبعض المعرفة فى التعامل مع الأجهزة الإلكترونية. يمكنك من خلال رقم الـ mac address أن تسمح لبعض الأجهزة بإستخدام الواى فاى، وان تمنع بعض الأجهزة من استخدام الواى فاى حتى لو كان الباسورد مسجل على هذه الأجهزة.
يمكنك أن تسمح لأجهزتك أنت وعائلتك أن تستخدم الواى فاى وتمنع أى شئ آخر من استخدام الواى فاى حتى لو كان يعرف الباسورد.
خطوات الـ mac filter كالتالى:
الدخول إلى صفحة اعدادات راوتر الواى فاى من خلال 192.168.1.1 ثم كتابة اليوزر نيم والباسورد، ثم اضغط على security ثم MAC Filter.
من خلال هذه الصفحة يمكنك اختيار Mode : Discard وبذلك كل الأجهزة التى تحمل الماك mac اللى انت هتكتبهم هتكون ممنوعه من استخدام الواى فاى بتاعك ده.
ولو اخترت permit فى المود mode ده معناه انك هتسمح للأجهزة اللى فيها الماك mac address دى بس من الدخول للواى فاى بتاعك.
هتغير النوع type إلى Bridge + Route. دى هتختارها فى جميع الأحوال.
البروتوكول Protocol هتسيبه زى ما هو IP.
هتكتب الماك mac فى الأماكن اللى جنب الـ Source MAC Address ومتكتبش حاجه فى اللى تحته.
بعد ما تختار هتمنعه ولا هتسمحله وتكتب الماك بتاع الجهاز هتضغط على Add أو اضافة. وبس كده.
الاعدادات اللى انت عملتها دى من سماح للأجهزة أو منع بعض الأجهزة مش هتتنفذ إلا لو علمت على المربع اللى جنب كلمة Enable اللى فوق خالص ( أول واحده ).
لو هتمنع الأجهزة من دخول الواى فاى ما عدا بعض الأجهزة. إتأكد أنك كاتب الماك mac بتاع كل أجهزتك قبل ما تضغط على المربع اللى جنب Enable. لأنك لو نسيت تضيف جهازك هتلاقى النت قفل عندك لأننا مش من الناس اللى مسموح ليهم بإستخدام الإنترنت عبر الواى فاى ده.
إزاى أعرف الماك mac address بتاع جهازى ؟!
الماك أدرس mac address هتلاقيه فى اعدادات الواى فاى فى الموبايل أو فى معلومات الجهاز فى الاعدادات (ِAbout Device).
معرفة الماك mac address من اعدادات الواى فاى فى الهاتف wifi advanced settings
معرفة الماك mac address من اعدادات الجهاز وتحديداً معلومات الجهاز about device in settings
معرفة الماك mac address لجهاز الكمبيوتر إللى هو الـ physical address
يمكنك الحصول على الماك mac address أو physical address من خلال الضغط على علامة الشبكة الخاصة بالواى فاى أو ركز الكمبيوتر الخاص بالإتصال بالانترنت ثم اختيار open Network and Sharing Center
ثم اختر كما فى الصورة التاليه بالترتيب..
وبذلك تكون حصلت على الماك mac address الخاص بجهاز الكمبيوتر.
ليست هناك تعليقات:
إرسال تعليق